Мое мислење

Црни Лептири (Црни Пеперутки) од српскиот бенд Ју Група можеби не е една од најубавите, ама е сигурно една од најважните песни за сите што живеевме во поранешна Југославија.

На Запад, првото нешто што било кој го научува на гитара е рифот на Дим на Водата (Smoke on the Water) од Дип Парпл.

Во Југославија, тоа беа првите уводни тонови на Црни Лептири. Нивната едноставност и наивност беа како магнет за сите идни гитаристи, меѓу кои и потписникот на овие редови.

Многу луѓе никогаш и не отидоа понатаму од тие пет тона, ама преку нив остана нивната врска со светот на музикантите.

А за музикантите, тоа беше врската со „обичните“ луѓе, потсетник дека некогаш и тие биле обични, дека нивниот музичарски живот е поделен на пред и по Црни лептири.

Поврзување:

• (слушај): Црни Лептири на ЈуТјуб
• (читај): Ју група Википедиа (анг)
• (читај): Ју група Википедиа (срп)